navigate_nextសេវាកម្មnavigate_nextកម្មវិធីសិក្សាថ្នាក់ភាសាបរទេសnavigate_nextកម្មវិធីសិក្សាសម្រាប់សិស្សវ័យជំទង់

កម្មវិធីសិក្សាសម្រាប់សិស្សវ័យជំទង់

កម្មវិធីសិក្សាសម្រាប់សិស្សវ័យជំទង់ត្រូវបានរចនាឡើងយ៉ាងពិសេសដល់សិស្សចាប់ពីអាយុ១២ឆ្នាំដល់១៥ឆ្នាំ។ សិស្សដែលស្ថិតក្នុងវ័យជំទង់តម្រូវឱ្យធ្វើតេស្ដសមត្ថភាពភាសា ហើយលទ្ធផលនៃតេស្តនេះនឹងបញ្ជាក់ពីកម្រិតភាសារបស់ពួកគេថាត្រូវចូលក្នុងកម្រិតមួយណា (ចាប់ពីកម្រិតបឋមដល់កម្រិតលើមធ្យម)។

បន្ទាប់ពីបញ្ចប់វគ្គសិក្សានេះ ពួកគេក៏អាចបន្តការសិក្សាថ្នាក់ភាសាអង់គ្លេសទូទៅ។ កម្មវិធីសិក្សានេះឆ្លុះបញ្ចាំងពីជីវិតផ្ទាល់ខ្លួន ចំណាប់អារម្មណ៍ និងការសិក្សារបស់ពួកគេផ្ទាល់ ដែលធ្វើឱ្យកម្មវិធីនេះអាចប្រើប្រាស់បាន និងផ្សារភ្ជាប់ទៅនឹងបរិបទសិក្សានៅក្នុងប្រទេសកម្ពុជា។ សិស្សានុសិស្សរបស់វិទ្យាស្ថាន ពាណិជ្ជសាស្ដ្រ អេស៊ីលីដា ត្រូវបានជំរុញឱ្យគិតបែបត្រិះរិះ និងបែបឆ្នៃប្រឌិតខ្ពស់។

ក្នុងមេរៀននីមួយៗ មានការប្រើប្រាស់នូវសកម្មភាពបែបឆ្នៃប្រឌិត អប់រំ ព្រមទាំងសកម្មភាពសប្បាយរីករាយដែលសកម្មភាពទាំងនោះត្រូវបានអនុវត្តជាប្រចាំដើម្បីអភិវឌ្ឍភាសាអង់គ្លេសរបស់ពួកគេ។ សិស្សានុសិស្សត្រូវបានជំរុញឱ្យចូលរួមសកម្មភាពជាច្រើនដូចជា ការងារជាក្រុម ការសួរនិងឆ្លើយសំណួរ គម្រោងស្រាវជ្រាវនិងការធ្វើបទបង្ហាញ ការរៀបពាក្យ ចម្រៀង និងសកម្មភាពសិក្សាផ្សេងៗទៀត រួមទាំងល្បែងកម្សាន្តបែបអប់រំដើម្បីអភិវឌ្ឍជំនាញរបស់ពួកគេ។

Part-time

Full-time