សេវាកម្មកម្មវិធីហ្វឹកហ្វឺនខាងក្រៅ

កម្មវិធីហ្វឹកហ្វឺនខាងក្រៅ

សាកលវិទ្យាល័យ ពាណិជ្ជសាស្រ្ត អេស៊ីលីដា ផ្តល់វគ្គបណ្តុះបណ្តាលចម្រុះដែលរួមបញ្ចូលគ្នានូវគំនិត និងការអនុវត្ត — ផ្តល់នូវ "ចំណេះដឹង" និង "របៀបធ្វើ" ព្រមទាំងផ្តោតទៅលើគុណភាពបណ្តុះបណ្តាលជាចម្បង។ បច្ចុប្បន្ននេះ មានវគ្គបណ្តុះបណ្តាលជាច្រើនប្រភេទ ត្រូវបានផ្តល់ជូនសិក្ខាកាមដែលមកពីស្ថាប័នខាងក្រៅ៖

I. វគ្គហ្វឹកហ្វឺនដែលបានកំណត់ក្នុងប្រតិទិនហ្វឹកហ្វឺនប្រចាំឆ្នាំ

គឺជាវគ្គហ្វឹកហ្វឺនដែលបានរៀបចំរួចជាស្រេច ដូចជាជំនាញគ្រប់គ្រងឥណទាន ទីផ្សារ គណនេយ្យ ហិរញ្ញវត្ថុ សវនកម្ម ធនធានមនុស្ស និងគ្រប់គ្រងប្រតិបត្តិការ របស់ធនាគារ អេស៊ីលីដា។ វគ្គហ្វឹនហ្វឺននេះផងដែរ គឺត្រូវរៀបចំអោយមានច្រើនជម្រើស ដោយសិក្សាផ្ទាល់/អនឡាញ ជាភាសាខ្មែរ/ភាសាអង់គ្លេស ដោយផ្អែកលើតម្រូវការហ្វឹកហ្វឺន របស់ ស្ថាប័ន ធនាគារ មីក្រូហិរញ្ញវត្ថុ ក្រុមហ៊ុន និងគ្រឹះស្ថានផ្សេងៗទាំងនៅក្នុងស្រុក ក្រៅស្រុក និងតម្រូវការទីផ្សារ។ វគ្គហ្វឹកហ្វឺននីមួយៗ គឺត្រូវបានរៀបចំផ្សព្វផ្សាយជាសាធារណនៅលើគេហទំព័រ និងបណ្តាញសង្គមរបស់សាកលវិទ្យាល័យ ពាណិជ្ជសាស្ត្រ អេស៊ីលីដា។

II. វគ្គហ្វឹកហ្វឺនរៀបចំតាមការស្នើសុំរបស់អតិថិជន

វគ្គហ្វឹកហ្វឺនរៀបចំទៅតាមការស្នើសុំរបស់អតិថិជន គឺជាវគ្គហ្វឹកហ្វឺនដែលរៀបចំទៅតាមតម្រូវការជាក់ស្តែងរបស់ស្ថាប័ន ធនាគារ មីក្រូហិរញ្ញវត្ថុ ក្រុមហ៊ុន និងគ្រឹះស្ថានផ្សេងៗ។ វិទ្យាស្ថាន នឹងផ្តល់ជូននូវកម្មវិធីសិក្សាលម្អិត ដើម្បីឱ្យអ្នកស្នើសុំពិចារណា និងជ្រើសរើសប្រធានបទដែលមានតម្រូវការ។ វិទ្យាស្ថានក៏បានធ្វើការពិគ្រោះយោបល់ជាមួយអ្នកស្នើសុំ ក្នុងការរៀបចំវគ្គហ្វឹកហ្ហឹន ឱ្យត្រូវតាមតម្រូវជាក់ស្តែង។ វគ្គហ្វឹកហ្វឺនត្រូវបានរៀបចំសម្រាប់តែមួយស្ថាប័ន ឬស្ថាប័នជាច្រើនទៀត ដែលបានព្រមព្រៀងគ្នា។ វគ្គនេះផងដែលត្រូវបានរៀបចំឱ្យមានការចុះទស្សនកិច្ចសិក្សា ជាមួយធនាគារ អេស៊ីលីដា។

III. វគ្គទស្សនកិច្ចសិក្សា

វគ្គទស្សនកិច្ចសិក្សា គឺជាវគ្គដែលរៀបចំសម្រាប់ភ្ញៀវជាតិ និងអន្តរជាតិ ដើម្បីជួបជាមួយថ្នាក់គ្រប់គ្រង និង អ្នកជំនាញរបស់អេស៊ីលីដា គ្រប់ប្រធានបទដែលទាក់ទងនឹងបច្ចេកទេស និងការគ្រប់គ្រង។ វគ្គនេះ គឺផ្តោតទៅលើការពិភាក្សា និងសំណួរចម្លើយ។ ជាពិសេសជាងនេះទៀត គឺរៀបចំ ឱ្យមានការចុះទស្សនកិច្ចផ្ទាល់នៅតាមសាខា អេស៊ីលីដា ដើម្បីបានឃើញពីរបៀបប្រតិបត្តិការ និងរបៀបបម្រើសេវាកម្ម របស់ធនាគារ។

ប្រធានបទវគ្គហ្វឹកហ្វឺន

ឥណទាន

ប្រព័ន្ធនៃការគ្រប់គ្រងហានិភ័យឥណទាន
ការគ្រប់គ្រងបំណុលអាក្រក់
ផលិតផលឥណទាន
ការកែលំអរផលិតភាពឥណទាន
ការវិភាគផែនការអាជីវកម្មឥណទានខ្នាតមធ្យម
ការផ្តល់ឥណទានខ្នាតតូច និងខ្នាតមធ្យម
ការផ្តល់ឥណទានក្រុម និងឯកត្តជន
ប្រសិទ្ធភាពនៃការវាយតម្លៃប្រាក់កម្ចី
ប្រសិទ្ធភាពនៃការប្រមូលឥណទាន
ប្រសិទ្ធភាពនៃដំណើរការរៀបចំឥណទាន
លំហូរការងារ និងការធ្វើផែនការរបស់ភ្នាក់ងារឥណទាន
ការកែលំអរផលិតភាពការងាររបស់ភ្នាក់ងារឥណទាន
ប្រធានបទដ៏ទៃតាមការស្នើសុំ

បេឡាធិការ

ការគ្រប់គ្រងទ្រព្យសកម្ម និងអកម្ម
ការគ្រប់គ្រងប្រតិបត្តិការ (លក់រាយក្នុងធនាគារ)
ការគ្រប់គ្រងសាច់ប្រាក់ និងការសន្សំ
ការគ្រប់គ្រងសាច់ប្រាក់
ហានិភ័យរបស់បេឡាធិការ
ការប្តូររូបិយប័ណ្ណបរទេស
ការអនុវត្តលើការគ្រប់គ្រងកម្មវិធីសន្សំប្រាក់
ការសម្អាតប្រាក់
ប្រធានបទដ៏ទៃតាមការស្នើសុំ

ទីផ្សារ

ការគ្រប់គ្រងទីផ្សារ
ការស្រាវជ្រាវទីផ្សារ
ការប្រកួតប្រជែងទីផ្សារ
ការផ្សព្វផ្សាយចម្រុះ
យុទ្ធសាស្រ្តផ្សព្វផ្សាយ និងការទំនាក់ទំនង
គោលការណ៍បម្រើ និងថែរក្សាអតិថិជន
គុណភាពសេវកម្ម និងការយកចិត្តទុកដាក់ចំពោះអតិថិជន
ជំនាញលក់
ការអភិវឌ្ឍន៍ផលិតផល
ការកំណត់តម្លៃលើផលិតផលថ្មី
Deposit Products and Its Business
ប្រសិទ្ធភាពនៃការសន្សំ
ប្រធានបទដ៏ទៃតាមការស្នើសុំ

ធនធានមនុស្ស

ប្រសិទ្ធភាពនៃការគ្រប់គ្រងធនធានមនុស្ស
ការគ្រប់គ្រងការហ្វឹកហ្វឺន
ការបណ្តុះបណ្តាលគ្រូហ្វឹកហ្វឺន
ប្រធានបទដ៏ទៃតាមការស្នើសុំ

គណនេយ្យ

ការគ្រប់គ្រងគណនេយ្យ និងហិរញ្ញវត្ថុ
ការរៀបចំ ផែនការ និងថវិកា
គោលការណ៍ប្រតិបត្តិ រដ្ឋបាល និងហិរញ្ញវត្ថុ
ប្រសិទ្ធភាពនៃការកាត់ចំណាយថ្លៃដើម
ប្រធានបទដ៏ទៃតាមការស្នើសុំ

សវនកម្ម

ការអនុវត្តសវនកម្មឥណទាន
ការអនុវត្តសវនកម្មសាច់ប្រាក់
សវនកម្មហិរញ្ញវត្ថុ
សវនកម្មក្លែងបន្លំ
ប្រធានបទដ៏ទៃតាមការស្នើសុំ

ប្រធានផ្សេងៗទៀត

ការគ្រប់គ្រងប្រព័ន្ធត្រួតពិនិត្យផ្ទៃក្នុង
ការគ្រប់គ្រងប្រព័ន្ធព័ត៌មាន
ការគ្រប់គ្រងប្រតិបត្តិការសាខា
ការពង្រីកសាខា និងការគ្រប់គ្រងរដ្ឋបាល
បទពិសោធន៍ការធ្វើ Microfinance របស់ធនាគារអេស៊ីលីដា
បទពិសោធន៍នៃការកម្លាយខ្លួនរបស់ធនាគារអេស៊ីលីដា
ប្រធានបទដ៏ទៃតាមការស្នើសុំ