navigate_nextព័ត៌មានnavigate_nextព័ត៌មានថ្មីៗnavigate_nextវគ្គសិក្ខាសាលាស្ដីពី "ភាពជឿជាក់ ភាពជាអ្នកដឹកនាំ និងភាពជោគជ័យ៖ ដំណើរសម្រាប់ស្រ្តីឆ្ពោះទៅរកភាពជោគជ័យ"
វគ្គសិក្ខាសាលាស្ដីពី "ភាពជឿជាក់ ភាពជាអ្នកដឹកនាំ និងភាពជោគជ័យ៖ ដំណើរសម្រាប់ស្រ្តីឆ្ពោះទៅរកភាពជោគជ័យ"
ថ្ងៃទី២០ ខែកុម្ភៈ ឆ្នាំ២០២៥
លោកស្រី ភូរិ រតនា ប្រធានក្រុមប្រឹក្សាភិបាលនៃសាកវិទ្យាល័យ ពាណិជ្ជសាស្រ្ត អេស៊ីលីដា និងជាប្រធានគណៈកម្មាធិការសវនកម្ម (អភិបាល) នៃធនាគារ អេស៊ីលីដា ភីអិលស៊ី បានចែករំលែកបទពិសោធន៍ដ៏ជោគជ័យក្នុងភាពជាអ្នកដឹកនាំរបស់លោកស្រី ជូនដល់ថ្នាក់ដឹកនាំ សាស្រ្តាចារ្យ គ្រូបង្រៀន និងនិស្សិតនៃសាកលវិទ្យាល័យ ពាណិជ្ជសាស្រ្ត អេស៊ីលីដា នៅថ្ងៃទី០៤ ខែមករា និងថ្ងៃទី០៦ ខែកុម្ភៈ ឆ្នាំ២០២៥។
តាមរយៈការលើកឡើង របស់លោកស្រី ក្នុងវគ្គសិក្ខាសាលាស្ដីពី "ភាពជឿជាក់ ភាពជាអ្នកដឹកនាំ និងភាពជោគជ័យ៖ ដំណើរសម្រាប់ស្រ្តីឆ្ពោះទៅរកភាពជោគជ័យ" លោកស្រីបានមានប្រសាសន៍លើការ ឆ្លុះបញ្ចាំងឱ្យឃើញពីបញ្ហាប្រឈមដែល Generation Z តែងតែជួបប្រទះជាញឹកញាប់នៅកន្លែងធ្វើការសព្វថ្ងៃនេះ។
ដូចនេះវាពិតជាមានសារៈសំខាន់យ៉ាងពិតប្រាកដ ក្នុងការបង្កើនការយល់ដឹង និងផ្សារភ្ជាប់គម្លាតទំនាក់ទំនងរវាង ជំនាន់ Gen Z និង Gen X ឱ្យមានទំនាក់ទំនងល្អ និងមានស្ថិរភាពដើម្បីផលិតបាននូវបរិបទ ការងារមួយដែលអ្នករាល់គ្នាពេញចិត្ត។ ការបង្កើតឱ្យមានប្រាស្រ័យទាក់ទងល្អធ្វើឱ្យ មានការយល់ដឹងពីគ្នាទៅវិញទៅរវាង កម្មករនិយោជិត និងនិងនិយោជិក ទោះបីជាស្ថិតក្នុងបរិបទការងារមួយដែលមានភាពចម្រុះបុគ្គលិកលក្ខណៈដូចជា introverts និង extroverts ជាដើម។ ចំណុចសំខាន់ៗទាំងអស់នេះនឹង ធ្វើឱ្យមានការជំរុញដល់កិច្ចសហប្រតិបត្តិការ និងការរួមបញ្ចូលគ្នានៅកន្លែងការងារ។
បន្ថែមជាងនេះទៅទៀត លោកស្រីក៏បានបន្ដលើកឡើងផងដែរ អំពីគន្លឹះសំខាន់ៗទាំងប្រាំមួយចំណុច ដើម្បីជួយ (ស្ត្រី) ទទួលបានភាពជោគជ័យ ព្រមទាំងបញ្ចប់ការសិក្សារួមមាន៖
- ការត្រៀមខ្លួនមុនពេលទទួលការសម្ភាសន៍ការងារ
- វិធីសាស្រ្តក្នុងការទប់ស្កាត់ភាពលំអៀងនៃយេនឌ័រ
- វិធីសាស្រ្តលើការគ្រប់គ្រង និងរក្សាកិត្តិយលររបស់ស្រ្តី
- ការចូលរួមក្នុងកម្មវិធី ឬព្រឹត្តិការណ៍សង្គម
- ភាពក្លាហានក្នុងការប្រាស្រ័យទាក់ទងក្នុងទីសាធារណៈ
- ការត្រូវបានទទួលស្គាល់ និងក្លាយជាស្រី្តក្នុងភាពជាអ្នកដឹកនាំ
