navigate_nextMedianavigate_nextLatest Newsnavigate_nextAIB និង NAC សហការផ្សព្វផ្សាយ "ច្បាប់ស្ដីពីគណនេយ្យ និងសវនកម្ម" ដល់និស្សិត
AIB និង NAC សហការផ្សព្វផ្សាយ "ច្បាប់ស្ដីពីគណនេយ្យ និងសវនកម្ម" ដល់និស្សិត
នារសៀលថ្ងៃអង្គារ ១៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែមិថុនា ឆ្នាំ២០១៨ នៅវិទ្យាស្ថាន ពាណិជ្ជសាស្ត្រ អេស៊ីលីដា ក្រុមប្រឹក្សាជាតិគណនេយ្យ (NAC) សហការជាមួយ វិទ្យាស្ថាន ពាណិជ្ជសាស្ត្រ អេស៊ីលីដា (AIB) បានរៀបចំសិក្ខាសាលាផ្សព្វផ្សាយ "ច្បាប់ស្ដីពីគណនេយ្យ និងសវនកម្ម" ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម ងី តាយី រដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគណនេយ្យ និងលោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី រួមទាំងលោកនាយកវិទ្យាស្ថាន ថ្នាក់ដឹកនាំ សាស្ដ្រាចារ្យ ព្រមទាំងមានការចូលរួមពីនិស្សិតជាច្រើននាក់ ។
