navigate_nextព័ត៌មាន សាកលវិទ្យាល័យnavigate_nextExecutive Management

លោក នង ភិរម្យ

ប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋាន និងដេប៉ាតឺង់​គ្រប់គ្រង​ពាណិជ្ជកម្ម

លោក នង ភិរម្យ កើតនៅ ថ្ងៃទី០១ ខែមេសា ឆ្នាំ១៩៧៥។ លោកបានបញ្ចប់ថ្នាក់បរិញ្ញាបត្រគ្រប់គ្រង ពីសាកលវិទ្យាល័យ ន័រតុន នាឆ្នាំ២០០០ និងបានបញ្ចប់បរិញ្ញាបត្រជាន់ខ្ពស់ នាឆ្នាំ២០០៩ នៅសាកលវិទ្យាល័យបៀលប្រាយស៍ នៅរាជធានីភ្នំពេញ ព្រះរាជាណាចក្រកម្ពុជា។

លោក បានចូលបម្រើការងារនៅធនាគារ អេស៊ីលីដា សាខាខេត្តតាកែវ ចាប់ពី ថ្ងៃទី០២ ខែមេសា ឆ្នាំ២០០១ រហូតដល់ថ្ងៃទី០១ ខែវិច្ឆិកា ឆ្នាំ២០០៦ ក្នុងមុខតំណែងទទួលបន្តបន្ទាប់ដូចជា៖ ភ្នាក់ងារផ្តល់ព័ត៌មាន (Information Service Officer-ISO) និងប្រធានភ្នាក់ងារទីផ្សារសាខា ដែលមានរយៈពេលជាងប្រាំ(៥) ឆ្នាំ។

ចាប់ពីខែធ្នូ ឆ្នាំ២០០៦, លោក នង ភិរម្យ ត្រូវបានផ្លាស់ផ្ទេរមកបម្រើការនៅនាយកដ្ឋានហិរញ្ញប្បទានពាណិជ្ជកម្ម នៃធនាគារ អេស៊ីលីដា ភីអិលស៊ី ការិយាល័យកណ្តាល រយៈពេលជាងដប់ (១០) ឆ្នាំ ដោយមានមុខងារ តួនាទី និងការទទួលខុសត្រូវជាបន្តបន្ទាប់ដូចជា៖ បុគ្គលិកផ្នែកឥណទាន, បុគ្គលិកផ្នែកលិខិតធានា, អនុប្រធានផ្នែកលិខិតធានា និងប្រធានផ្នែកលិខិតធានា។

បន្ទាប់មក លោក នង ភិរម្យ ត្រូវបានផ្លាស់ផ្ទេរមកបម្រើការជាមួយវិទ្យាស្ថាន ពាណិជ្ជសាស្រ្ត អេស៊ីលីដា ចាប់ពីថ្ងៃទី០១ ខែតុលា ឆ្នាំ២០១៨ រហូតដល់ចាប់ពីថ្ងៃទី២៨ ខែកុម្ភៈ ឆ្នាំ២០២៣ និងមានមុខងារ តួនាទីជាបន្តបន្ទាប់ដូចជាៈ ជាគ្រូបង្រៀនជាន់ខ្ពស់, ជាអនុប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋាន និងដេប៉ាតឺង់គ្រប់គ្រងពាណិជ្ជកម្ម និងជាប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋាន និងដេប៉ាតឺម៉ង់គ្រប់គ្រងពាណិជ្ជកម្មបឋម។

ចាប់ពីថ្ងៃទី០១ ខែមីនា ឆ្នាំ២០២៣ រហូត បច្នុប្បន្ន លោក នង ភិរម្យ ជាប្រធានដេប៉ាតឺម៉ង់ថ្នាក់ឆ្នាំសិក្សាមូលដ្ឋាន និងដេប៉ាតឺម៉ង់គ្រប់គ្រងពាណិជ្ជកម្ម ដែលទទួលខុសត្រូវលើគ្រូបង្រៀន និងជំនាញទាំង៩ (សម្រាប់ថ្នាក់បរិញ្ញាបត្រ) និង ៦ ជំនាញ (សម្រាប់ថ្នាក់បរិញ្ញាបត្ររង)។